जननी साऱ्या जीवांची ती अन्
महिमा तिचा हो अपरंपार
तिच्याविना ना अर्थ जगाला
तिच करी जीवन साकार
स्वराज्याची बीजे रोवली
घडवले थोर अशा राजाला
शूरवीर त्या माता जिजाऊ
मुलासम प्रेम दिले हो प्रजेला
स्वाभिमान त्यागाची मूर्ती
किती गावे तिचे गुणगान
माता रमाईच्याच कृपेने
मिळू शकले आम्हा संविधान
देशातील पहिल्या महिला शिक्षिका
महिलांना हो साक्षर केले
सावित्रीबाईंचे कार्य महान
मानवतेसाठी प्राण वाहिले
मृत्यूलाही मात दिली अन्
दिली दुःखितांना हो माया
माय ती बनली अनाथांची हो
सिंधुताई ममतेची छाया
ब्रिटिशांविरुद्ध रणशिंग फुंकले
पेटवल्या क्रांतीच्या वाती
चिरकाल हो टिकूनी राहील
राणी लक्ष्मीबाईंची ख्याती
ध्येय धोरणी धाडसी होत्या
देशाच्या त्या पंतप्रधान
इंदिरा गांधींना हो मिळाला
' सहस्त्राब्दीच्या महिला ' सन्मान
मूर्ती लहान पण कीर्ति मोठी
अगाध होती जिद्द सचोटी
अंतराळातील वीरांगना ती
कल्पना चावला भारत की बेटी
उपचाराविना मूल गमावूनी
डाॅक्टर बनण्याचा ध्यास घेतला
चूल अन् मूल ही प्रथा बदलूनी
आनंदीबाईंनी आदर्श घडविला
प्रतिकूल परिस्थितीशी लढली
मुष्टियुद्ध रिंगणात उतरली
पदकांवरती पदके जिंकूनी
मेरीकोमने कीर्ति घडवली
क्षमता आहे स्त्रियांमध्येही
बळकट त्यांचे हात करा
बुरसटलेले विचार सोडा
स्त्रीशक्तीचा जागर करा
✒ K. Satish%20Poetrymirror.com%20title%20images_67.jpg)
%20poetrymirror.com-1_278.jpg)
%20Poetrymirror.com%20title%20images_48.jpg)
%20poetrymirror.com-1_394.jpg)
%20poetrymirror.com-1_364.jpg)
%20Poetrymirror.com%20title%20images_15.jpg)