ग्राहक राजा, भोगतोय सजा

ग्राहक राजा महान माझा

म्हणूनी करती ते सन्मान,

पण खोट्याची दुनिया सारी

वाढले फसवणुकीचे प्रमाण 

बिल्डर घेती पैसे अधिकचे

खोटे विवरण दावूनी इथे,

न्याय कसा मिळेल ग्राहकांना

प्रशासनच सामील असे जिथे 

चटई श्रेत्र सांगती भले मोठे

परंतु असे ते त्याहून लहान,

खोट्याची ही दुनिया सारी

वाढले फसवणुकीचे प्रमाण 

मोठ्या दिमाखात रेरा आला

त्याचा खूप बोलबाला झाला,

प्रत्यक्षात त्याचाही इथे

तितकासा उपयोग न झाला 

पैशाने कायद्यास वळवती

लोकशाहीचा होई अपमान,

खोट्याची ही दुनिया सारी

वाढले फसवणुकीचे प्रमाण 

स्वप्न दावूनी सुखसोईंचे

अखेर त्याला पूर्ण न करती,

गुणवत्तेला देऊनी तिलांजली

एक एक पैसा तिथे हडपती 

देखभाल खर्चाच्या नावे

लूटमार करती हे छान,

खोट्याची ही दुनिया सारी

वाढले फसवणुकीचे प्रमाण

✒ K. Satish