सरत्या वर्षाला निरोप

सरत्या वर्षास न दुषणे द्यावी

वाईटासोबत चांगलेही घडते,

वाईटातूनी अनुभव हाती येतो

चांगल्यातूनी मन आनंदित होते 

नव्या धडाडीने, नव्या उत्साहाने

नव्या वर्षास या आलिंगन द्यावे,

अवाजवी अपेक्षा उरी न बाळगता

आनंदित कर क्षण प्रत्येक त्याला म्हणावे 

छोट्या छोट्या गोष्टीमध्ये आनंद हो दडला

शोधूनी त्याला आपलेसे करावे,

दुःखी क्षणांचे मळभ दूर करूनी

स्वतःसोबत इतरांना हर्षित करावे 

जगलेला क्षण मागील वर्षातं होता

जगायचा क्षण नववर्षातं आहे,

मनापासूनी आभार सरत्या वर्षाचे

कारण अजूनी प्राण देहातं आहे

✒ K. Satish