बाप

बाप नावाचे विशाल वृक्ष

आयुष्यात असावे,

त्याच्या छायेत जीवन आपुले

आनंदाने वसावे 

रागीट, तापट, हुकूमशहा

तो वाटे कधी सर्वांना,

परंतु त्यामागील प्रेमभाव

ना दिसे इतरांना 

ढाल होऊनी रक्षण करतो

कुटुंबासाठी अविरत लढतो,

अश्रू कुणाला न दाखवता

एकटाच गपचूप तो रडतो 

मोठ्या मोठ्या वादळामध्ये

ना डगमगता लढतो,

योग्य दिशा दावूनी आपुल्या

मुलांचे भविष्य घडवतो 

मुलीसाठी तर काळीज त्याचे

तुटते क्षणाक्षणाला,

बाप या शब्दाविना किंचितही

अर्थ नसे जीवनाला

✒ K. Satish