गाठ माझ्याशी आहे

संकटांनी सावध व्हावे

गाठ ही आहे माझ्याशी,

खात्मा त्यांचा करण्याची ती

हिम्मत आहे मजपाशी

माझ्यावर कुरघोडी करण्या

केविलवाणी धडपड ती,

परतविल्यावर हल्ला त्यांचा

धूम ठोकूनी ती पळती

निरनिराळी रूपे बदलूनी

वेळोवेळी केला हल्ला,

परंतु मीही लढा देऊनी

गाठला माझा पुढचा पल्ला

कधी कधी तर घाव हो त्यांनी

केले मजवर खोलवरी,

तरीही लढलो हिमतीने अन्

धडकी भरली त्यांच्या उरी

आता झाला पाठ तो पाढा

निरनिराळ्या संकटांचा,

प्रश्नच उरला नाही आता

शरण हो त्यांना जाण्याचा

                                                           ✒ K. Satish